25 N - CONTRA A VIOLENCIA TOLERANCIA E AMOR

 

CAMIÑOS CARA A CIENCIA EN IGUALDADE

 No mes da CIENCIA o noso centro encheuse de xogos a modo de experimentos, de maxía, de emocións, de hipótesis,... descubrir e sacar conclusións é todo un reto. 

Parécenos que estamos a sementar a curiosidade do noso alumnado en igualdade e fomentando a inclusión sempre presente . Seguiremos esta andaina que tanto nos gusta, pero tamén queremos convidarvos a que nas casas e en familia fagades pequenos e divertidos experimentos. Para iso tamén iremos deixando nesta presentación algunha proposta

NOVEMBRO MES DA CIENCIA EN GALEGO NAS BIBLIOTECAS

 

Hoxe 13 de novembro recordamos que é o Dia das Librarías, das nosas, das da vila. Xa que nestes momentos resulta importante apoiar ao pequeno comercio dos pobos e das cidades, que sempre estiveron ao carón de nós. Polo que Gati, Gatuxo a mascota amiga de Librín recomenda mercar un libro para facer experimentos sinxelos. 

O mundo do futuro necesita científicas e científicos e que mellor que galegos, así que desde a biblioteca de Librín imos facer achegas de libros para que tanto nas aulas como nas casas fagamos moitos experimentos, despertando a curiosidade científica entre as nosas nenas e nenos. Quen sabe! igual algún ou algunha será a descubridora de vacinas, máquinas, ...que axuden a sociedade do futuro

   

 

COMPARTINDO NA MICRORREDE: T-LEMOS

Os centros educativos que formamos parte da Microrrede da Mariña comezamos a compartir experiencias, cantigas, contos,...na actividade que leva por nome:

T-LEMOS

 Compartimos esta primeira actividade co CEIP de Cervo, toda unha nova experiencia moi satisfactoria para o alumnado participante neste primeiro encontro en streaming. O alumnado de 5º de primaria agasallounos cunha cantiga do magosto que usaremos para o do cole, o noso alumnado de 6º tamén cantou unha cantiga as nenas e nenos de Cervo.  Esperamos repetir en moitas outras ocasións ao longo deste curso.