Para celebrar o DÍA DA LINGUA MATERNA , este ano co lema "EDUCACIÓN MULTILINGÜE: o necesario para transformar a educación", tamén para o DÍA DE ROSALÍA seguimos a iniciativa da Asociación de Escritoras e Escritores en Lingua Galega ( AELG ) e a partir da mesma elaboraremos un mural asociando imaxes e palabras en galego.
A asociación propón desde 2010 á cidadanía que agasalle cun libro en galego e cunha flor ás amizades e persoas queridas.
Nas aulas tamén elaboramos caroutas coa cara de Rosalía
Está semana para celebrar o 11 de febreiro DÍA DA MULLER E A NENA NA CIENCIA a nosa escola encheuse de mamás que nos axudaron despertar o interese pola ciencia nas aulas con unha morea de experimentos moi ben artellados. Dende aquí queremos dar as gracias a todas as mamás que participaron e a todas as outras que aínda querendo non puideron acompañarnos.
Foi unha semana de emocións e ilusións por tan númerosas visitas que axudaron no despertar do interese polo pensamento científico, contribuíndo a que no futuro as nosas nenas e os nosos nenos sigan experimentado, e quen sabe igual sigan carreiras científicas e realicen descubrimentos importantes para a humanidade. Plantamos a semente , MOITAS GRAZAS A TODAS.
