INCLÚE-T: camiñando coa diversidade

Nestas datas do mes de marzo xuntanse unha chea de celebracións que nós vimos traballando nas aulas  con axuda e colaboración das familias.

Comezamos  co DIA MUNDIAL DO SÍNDROME DE DOWN que se celebra o día 21 do terceiro mes do ano pola coincidencia coa trisonomia 21, ese terceiro cromosoma que presenta este Síndrome. Con esta celebración queremos dar visibilidade a estas persoas e valorar a importancia da inclusión da diversidade nas escolas.

 Membros da Asociación Down Lugo compartiron con nós un precioso vídeo  co conto de ELMER, deixándonos tamén unha proposta de actividade co mural incluído.

Todos debemos disfrutar dos mesmos dereitos en igualdade, oportunidade e felicidade dentro da sociedade, este día visibilizase simbólicamente desde 2017 coa iniciativa  CALCETÍNS DIFERENTES da nena britanica Chloe Lennon, a que nos sumamos con actividades nas aulas en colaboración coa Asociación Síndrome de Down Lugo e Federación Down Galicia.