CROMA

No apartado de audiovisuais o alumnado de 5º traballou na grabación de dous videos sobre dúas das figuras vinculadas as LETRAS GALEGAS, Rosalía de Castro e Francisco Fernández del Riego. 

Tiveron varias tarefas, ademáis de protagonistas, aprenderon pequenos textos coa axuda das súas familias, foron directores, axudantes de cámara, ....

E aquí temos o resultado final:

https://drive.google.com/file/d/1pXytVV8upZjt0r3c6RyQQgqqGRp0Bd3o/view?usp=sharing

XOGANDO RECUPERAMOS A CULTURA

 Maio é o mes das LETRAS GALEGAS adicado este ano a Francisco Fernández del Riego, nós festexámolo por todo o alto cunha morea de actividades ben interesantes, que nos axudaron a coñecer o autor a través dos xogos e xoguetes tradicionais, coa axuda dos libros cos que nos agasallou o seu autor  José Manuel García Fernández (no día da inaguración da nova biblioteca, día no que tivemos a sorte de ver e xogar con algúns de eses xoguetes), él  é o percursor da exposición DON PACO, O PÍCARO ARGALLEIRO aberta en Lourenzá dende o mes de abril.

Asemade tivemos unha semana onde os avós viñeron ao cole ensinarnos a xogar como facian eles de pequenos, aprendimos xogos esquecidos ben interesantes. Para rematar a semana tivemos unha festa con nosos avós e avoas con música tradicional galega a cargo do grupo ILLA PANCHA, disfrutamos e bailamos muiñeiras ao ritmo da gaita e o pandeiro.

Tamén coñecimos o folklore e as nosas tradicións coa colaboración especial da Asociación Cultural Bágoas da Terra que nos visitou para mostrarnos as partes do traxe tradicional galego de festa e agasallounos cunhas "mariquitas" para que as nenas e nenos as podan vestir.

As familias tamén poden, durante todo este mes, facerse unha foto no noso "foto cool" na entrada do centro. A través do noso conto favorito promocionamos o uso do galego

Xa para rematar estas dúas semanas tan intensas visitamos a exposición "EXALTACIÓN DO TRAXE GALEGO" promovida por Bágoas da Terra en colaboración co Concello de Viveiro para ver diferentes tipos de indumentaria.

ESCRIBIRARTE NA MARIÑA

 Un ano máis a exposición dos traballos dos centros que formamos a Microrrede da Mariña foi todo un éxito, non só polo público visitante, polas actividades dinamizadoras, a repercusión social na prensa, nas  bibliotecas se non tamén por inocular entre as  comunidades educativas a necesidade de traballar en colaboración e cooperación para mellorar a sociedade.

A nosa aportación foi un cadro coa parte artística feita polo alumnado e despois en familia o remataron  coas palabras agarimosas e os alcumes familiares que forman os camiños diarios das súas vidas.

Sen non poidestes disfrutar da exposición podedes ver todo o que alí aconteceu no  blog a Microrrede

MICRORREDE DA MARIÑA ( pinchade aquí)

Este curso o noso centro participou nas actividades dinamizadoras coa representación de títeres dun dos contos que máis éxito ten entre o alumnado máis novo. Foi todo un éxito de público e un orgullo de compañeiras que o fixeron marabillosamente ben.

MAXIA

 O alumnado de 6º representou para todas as compañeiras e compañeiros do cole o conto MAXIA, pero tamén fixeron un espectáculo de maxia de verdade . Deixáronnos abraiados !!!