DÍA DAS BIBLIOTECAS - 24 DE OUTUBRO

 Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas. 

A Dirección Xeral do Libro e Fomento da Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2020. "A edición deste ano, baixo o lema 'Bibliotecas, sempre ao teu carón' céntrase en destacar o importante papel que xogan as bibliotecas ofrecendo acceso á cultura, ao coñecemento e ao entretemento en calquera lugar e circunstancia." Trátase de poñer en valor a capacidade de seguir ofertando servizos en circunstancias tan complexas como as que estamos a vivir.

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que están sempre ao noso carón. 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

Este curso, o lema das bibliotecas escolares de Galicia XEOGRAFÍAS LECTORAS NA BIBLIOTECA ESCOLAR , quere poñer o foco nas posibilidades que ofrece a biblioteca escolar para a construciónn da  persoa lectora  a través de distintas actividades de distintas actividades que programa e dos recursos que pon a disposición da comunidade educativa, que a ten sempre ao seu carón. Este lema é aproveitado por algunhas das bibliotecas para esta celebración  (Texto que aparece no blog de BIBLIOTECAS ESCOLARES DE GALICIA DA CONSELLERÍA DE EDUCACIÓN, das que formamos parte activa).

A biblioteca pública de Viveiro, que está ao noso carón, tamén  celebra este día cun agasallo para as nenas e aos nenos que collan en préstamo un libro.

  

DÍA DAS ESCRITORAS

Hoxe día 19 de outubro o noso centro convirteuse nunha revindicación da muller en Igualdade. Recordamos e falamos de escritoras, tivemos sesións en streaming cunha mamá escritora e fixemos un pequeno traballo plástico.

O CONTO DE LIBRÍN

LIBRÍN CONTANOS UN CONTIÑO PARA RECORDARNOS COMO IR E QUE FACER 

NA NOSA BIBLIOTECA

 

PROTOCOLO NA BIBLIOTECA DE LIBRÍN

 A NOSA BIBLIOTECA ESTÁ EN MARCHA, PASENIÑO, PASENIÑO. LIBRÍN AGÁRDANOS A TODAS E TODOS CON MOITA ILUSIÓN, PERO ANTES DEBEMOS SABER COMO ACTUAR

Moito ánimo desde DOMUS VI

 Lévanos varios anos colaborando con Domus Vi, sempre resultou moi fermoso o intercambio entre os avós e avoas e os nosos nenos e nenas. A colaboración e visita ao mercado solidario, os contos que nos traian cada Nadal e o Apalpador que  recollia as cartas,... unha morea de sentimentos marabillosos. Esperamos seguir colaborando ainda que non sexa presencialmente, sempre podemos artellar outros xeitos.

As avoas e avós, xa comezan esa colaboración, envíannos un vídeo de ánimo para o comezo deste novo e diferente curso, que queremos compartir con toda a nosa comunidade educativa.

 https://we.tl/t-tRDQvRDqSO

MOITAS GRAZAS!!!

SEGUIREMOS COMPARTINDO AINDA QUE AGORA SEXA ON LINE.

CAMIÑANDO FAISE CAMIÑO

 Queridas familias non teñamos medo, só camiñemos con moito sentidiño.

Todas as normas e recomendacións do noso protocolo son para protexer a toda a comunidade educativa e depende de todas e todos, das nosas accións no día a día, que o camiño sexa sinxelo e sen obstáculos.

Librín tamén está traballando para que podamos seguir disfrutando das súas suxerencias.

Resolución a convocatoria das bibliotecas PLAMBE para o curso 2020/2021

 O DOG do 1 de setembro de 2020 publica o Orde de 24 de agosto de 2020 pola que se resolve o Plan de mellora de bibliotecas escolares en centros públicos de titularidade da Consellería de Educación, Universidade e Formación Profesional para o curso 2020/2021.

Estamos moi de acordo co que di o texto na páxina de Bibliotecas escolares e iso é o que pretendemos facer:

"As especiais circunstancias polas que atravesa a sociedade en xeral e o ensino en particular neste 2020 converten este curso que comeza nun importante reto para docentes, familias e alumnado; as bibliotecas escolares demostraron na primavera pasada que son un instrumento e un valor do centro á hora de enfrontar novas formas de vincular á comunidade educativa, de ofrecer recursos para apoiar as aprendizaxes, de reforzar as competencias clave do alumnado e de facilitar lecturas e actividades que axuden a medrar como cidadáns activos e como lectores críticos da realidade. Cómpre seguir na pescuda de todas as súas potencialidades, adaptándose á situación sanitaria pero con iniciativa para presentar solucións aos problemas que se presentan."

TEXTO DA RESOLUCIÓN DEFINITIVA DO PLAMBE (DOG do 01/09/20 )

PUBLICACIÓN NO PORTAL EDUCATIVO