Novembro é un mes escuro e máxico, por iso nas bibliotecas escolares é o MES DA CIENCIA EN GALEGO . A ciencia, as veces, semella maxía sobre todo para os máis pequenos, e polo que neste mes a nosa escola encheuse de maxía con palabras que fan camiño para experimentar, facer hipóteses, preguntas,... e fomentar a cusiosidade dos nosos pequenos e igual futuros científicas e científicos.
O PDI deste curso PALABRAS PARA ENTENDER O MUNDO ten moitos ramas, como unha árbore que promete dar ricos froitos, unha delas é o Programa IGUÁLA-T dentro do cal traballamos en prol da igualdade con accións, retos e propostas durante todo o curso. Propostas que parten da biblioteca como núcleo aglutinador de todo o que facemos nesta escola. Unha delas, no 25 de novembro, é o recordatorio para toda a nosa comunidade de que:
A MELLOR PREVENCIÓN É A COEDUCACIÓN
Este curso o alumnado fixo un pequeno corazón que recorda unhas fermosas palabras de Emilia Pardo Bazán " Non hai homes nin mulleres, hai HUMANIDADE" , que levarán as súas casas xa que é o primeiro lugar onde a coeducación, a educación en igualdade e sen diferencias de xénero debe practicarse para mellorar o mundo das nosas nenas e dos nosos nenos.
O 20 de novembro celebrase o Día Mundial da Infancia dende o equipo da biblioteca elaboramos un pequeno recordatorio dos dereitos das nenas e dos nenos para compartir nas aulas.
O equipo de Dinamización da Lingua Galega propuxo e o equipo da biblioteca colaboramos, a partir das palabras do refrán POLO SAN MARTIÑO PEÓNS AO CAMIÑO, para a posta en marcha de obradoiros nos que realizar peóns con materiais de refugallo, en consonancia co PDI "Palabras para entender o mundo" e cos obxectivos de BIBLIOTECA CREATIVA, EDUsostible ,Voz Natura e demáis proxectos. Queremos que o xogo sexa un elemento esencial na vida do centro e neste caso a recuperación de xogos esquecidos e de tradicións formarán tamén parte da festa do Magosto con cantigas e baile de peóns.
No DÍA NO LIBRO E DOS DEREITOS DE AUTOR o noso centro encheuse de actividades: -EXPOSICIÓN DOS COMICS DAS FAMILIAS, os que lian os nosos p...
