POLO DÍA DA BIBLIOTECA ESCOLAR

Onte, día 24 de outubro, celebramos o DÍA DAS BIBLIOTECAS ESCOLARES, polo que recibimos  unha invitación do aniversario da nosa mascota para escoitar contos na biblioteca e asemade levamos as  casas un "colgaportas" para contarlles as nosas familias a historia do noso moucho Librín que vive na biblioteca e que nos agasalla a diario con fermosos contos e historias..

Estes mouchiños levaban unhas bonitas poesías inventadas entre todas e todos.

NOVO CURSO, NOVAS ILUSIÓNS

Comezamos un novo curso con moitas ilusións, a  Consellería dotounos de máis presuposto para a nosa biblioteca, temos materiais novos e moitas ganas de que as familias disfrutedes da nosa biblioteca de Librín.
Recordavos que os impresos  de solicitude  das MOCHILAS VIAXEIRAS e da actividade ESCOITAMOS COMO LES podedes descargalos dende a nosa web e/ou solicitalos no centro.

Estas son as novas bolsas, que a Asesoria de Bibliotecas Escolares acaba de mandarnos, para poñer en marcha"Contos que van e veñen", que os encargados de cada aula levan a casa diariamente co seu libro preferido.

UN PREMIO DE LIBROS!

Queridas familias!

Esta semana os nosos nen@s de cinco anos acudiron ao Concello de Viveiro a recoller un agasallo moi especial.

O noso blog de Voz Natura resultou finalista, polo que fumos premiados cun lote de libros e contos preciosos dos que disfrutaremos moitísimo na nosa biblioteca de LIBRÍN.

Moitas gracias ao Concello de Viveiro!

LETRAS GALEGAS 2018

Ola a tod@s!

O 16 de maio celebramos no cole o Día das Letras Galegas, este ano adicado á escritora María Victoria Moreno, como xa sabedes.

Recibimos tamén a visita do gaiteiro David Bellas, un gran músico que nos falou dun dos instrumentos da nosa cultura, a gaita, e nos amosou diferentes tipos da mesma. Moitas gracias David pola túa visita, foi todo un regalo para celebrar este día!

Ademais, os nenos e nenas do cole elaboraron debuxos dos distintos poemas do libro "E haberá tirón de orellas?", en homenaxe á escritora.

Quedaron moi fermosos!!!

OS RECUNCHOS DA NOSA BIBLIOTECA

Queridas familias! Aquí vos deixamos un resumo visual para que coñezades todos os recunchos da nosa biblioteca e poder así disfrutar, máis se cabe, dela. Unha aperta!

ACTO DE CLAUSURA

Onte rematou a gran semana da Microrrede da Mariña cun acto de clausura para o recordo:

 Tras o discurso de clausura, os coros dos distintos coles deleitáronos coa súa interpretación de "Maio, maio" e "A saia 
da Carolina"

                                           Desfrutamos da actuación das Moreninhas

 Escoitamos á escritora Rita Morrigan, a cal está destacando no panorama nacional con   novelas románticas e personaxes femininos avanzados para a súa época.

Agradecemos a todos e todas os que nos acompañastes nesta semana, a tod@s os mestres e mestras o seu esforzo compartido, ás familias pola súa colaboración, e sobre todo, ás nenas e nenos pola súa ilusión!

ACTO INAUGURAL

O pasado luns celebrouse a inauguración da exposición da Microrrede de bibliotecas escolares da Mariña, da cal formamos parte, e que, como xa sabedes, este ano leva por título "A Mariña pensando en feminino".

Alí expuxemos todos os traballos feitos en colaboración coas familias, e desfrutamos da actuación do coro de nenas e nenos, así como da cantante Guadi Galego, con performance de LAR.

Foi unha tarde moi divertida!