CONTAMOS CONTOS DE NADAL

Estas semanas Librín deixounos moitos contos para un novo tempo de Nadal, algúns xa os escoitaramos como os do Apalpador, Cando Martiño tivo gañas de mexar na noite de reis, O pequeno abeto,... e moitos outros. O conto que máis nos gustou foi:     MAMÁ NOELA

CAMIÑANDO CARA UNHA BIBLIOTECA INCLUSIVA

Un dos obxectivos para este curso é transformar os espazos comúns do cole en lugares que fomenten a igualdade  e a inclusión. Neste senso durante este primeiro trimestre dimos xa algúns pasos, sinalamos o camiño cara biblioteca de Librín con carteis de  pictogramas.

POEMA POLA NON VIOLENCIA

Se queres escoitar este fermoso poema escrito pola mestra Rocío e recitado polos pequechos  e pequechas de 5 anos pincha AQUÍ

POR UN MUNDO SEN VIOLENCIA

O venres 23 de novembro recibimos o coro de CEP Lois Tobío  que, coa súa música e voces,  tentaron de recordarnos a importancia dun mundo sen violencias. Tamén as nenas e nenos de 6º recitaron una fermosa poesía, de creación propia e orixinal da mestra Rocío Fernández, como un canto pola igualdade e respeto entre homes e mulleres.
Neste día  especial tivemos a sorte de contar coa presencia da Xefa Territorial e da inspectora deste centro, as que lle agradecemos a visita, esperando que disfrutaran duns momentos moi emotivos para todas e todos.

POLO MAGOSTO E POLO SAN MARTIÑO PEÓNS O CAMIÑO

O pasado venres día 16 celebramos o MAGOSTO con xogos, maquillaxe e visitounos a castañeira Maruxa, amiga de Librín, que nos agasallou con contos, poesía e  castañas quetiñas. Coas mestras fixemos unhas "maruxiñas" para gardar as castañas asadas e comelas con tranquilidade.

Tamén celebramos o "Día do peón" facendo uns con materiais de reciclaxe,  sacarémolos os camiños, as rúas e prazas.

SAMAÍN: o medo non da medo, da risa

Para celebrar o Samaín as meigas e pantasmas contaron contos pero tamén tivemos cine, curtas de medo divertidas.

Asemade tamén xogamos,  dentro dun conto, nunha clase máxica chea de personaxes de medo que daban risa, na procura de pequeñas pantasmas que ían estar moi, moi ricas.

SAMAÍN 2018

O pasado mércores 31 celebramos o SAMAÍN cunha morea de actividades, coa idea de que o medo non da medo, as veces da risa. A nosa biblioteca encheuse de meigas, bruxas e curuxas,.. tamén algunha pantasma con asma que nos contaron contos de moito e de pouco medo.

        

   

                      

Tamén fixemos pócimas coa "Bruxa colorea"