ASOMAN AS PALABRAS NO MES DOS LIBROS

 Estas semanas estiveron cheas de libros, de contos, de actividades que sairon da biblioteca para celebrar o DÍA MUNDIAL DO LIBRO E DOS DEREITOS DE AUTOR, para celebrar o MES DOS LIBROS.

CONTOS EN PALABRAS

 Abril é o mes dos libros e o noso mouchiño está moi ledo, por iso deixanos unha das actividades do Programa LECTURA E FAMILIAS. Con esta actividade Librín quere saber cantos contos coñecedes, veremos quen adiviña tódolos titulos dos contos coas pistas que aparecen no seguinte vídeo.

CONTOS EN PALABRAS: Deixade os títulos no apartado de comentarios, veremos que os adiviña todos¡¡

Aquí tedes algunha pista entre todas esas palabras.

AS HISTORIAS SON ÁS

 O 2 de abril é unha data moi especial para nós por dúas razóns especiais celebramos: 

DÍA MUNDIAL DA CONCIENCIACIÓN SOBRE O AUTISMO

DÍA INTERNACIONAL DO LIBRO INFANTIL

Nós xuntamos o lema de cada unha destas celebración nun marcapáxinas que levarán para marcar os seus libros na casa: 

AS HISTORIAS DAN ÁS QUE NOS AXUDAN A REMONTAR O VOO CADA DÍA PARA TER UNHA FELIZ VIAXE POLA VIDA.

Librín deixa un conto que fala da importancia de ser nós mesmos, de querernos tal como somos, de respetar as diferenzas, a diversidade e deixar voas as ás dos paxaros que temos na cabeza.

Recordade que os contos son a nosa mellor ferramenta, a nosa fortaleza, contar contos sempre resulta maravilloso para as metras e os mestres e para o alumnado. Pero tamén para vós as nais e os pais que sodes uns estupendos contadores de historias. Nesta data e neste mes dos libros queremos animarvos a  contar historias cada día aos voso fillos e fillas, é o momento de facelo, eles non o esquecerán. 

UN MES CON MOITAS PALABRAS

 Dentro do noso PDI "PALABRAS PARA ENTENDER O MUNDO" este mes está sendo moi intenso con moitas palabras sobre poesía, natureza, diversidade,...diversión, xogo e aprendizaxe.

A poesía encheu de palabras rimadas a nosa escola e tivemos un encontro especial con ANTÓN CORTIZAS, coa súa poesía, o seu bo facer co papel e os xoguetes tradicionais.

Celebramos a diversidade, que nos completa e fai mellores como sociedade, polo Día Mundial do Sindrome de DOWN, con contos, cine, xogos... Eleximos o conto O cazo de  Lorenzo para traballar nas aulas. Tamén fumos ao cine invitados polo Concellería de Cultura a ver en primicia Valentina, premiada co Goya a mellor película de animación 2022

Celebramos a Natureza  e a necesidade de coidala polo Día da Árbore e polo Día da Auga, plantamos nogueiras no parque Pernas Peón, fixemos murais e actividades que nos axudan a ver a importancia destes dous elementos para a nosa vida a través de poesías , contos e obradoiros nos que fixemos árbores con cartón.

SEMENTANDO PARA UN MUNDO PACÍFICO EN IGUALDADE

 As nosas alumnas e os nosos alumnos son os cidadáns do futuro, sementemos igualdade para que ese futuro esté cheo de paz.

Dentro da actividade ANALIZANDO CONTOS E CURTAS as mestras prepararon co seu alumnado uns videocontos que teñen por obxetivo plantar a semente para un futuro mellor, cunha  humanidade empática en igualdade e paz.

Esperamos que  disfrutedes dos contos e dende a casa tamén contestedes ás preguntas que deixa Librín

TERESA NO QUIERE SER PRINCESA

1ª- Ti queres ser princesa ou principe?

GUAY

2º-Que fas para ser guay de verdade?

LA REBELIÓN DE LA PRINCESA ROSA

3º- Parécevos que podemos intertar ser o que queiramos ser?

MULLERES REFERENTES

Traballamos co escornabot algunhas mulleres relevantes que abriron camiño como son Maruja Mallo e Concepción Arenal conmemorando así o 8M.

IGUALDADE, NON SÓ UNHA PALABRA

 A IGUALDADE non está só nas palabras, está todos os días nos exemplos , no trato, no xogos, nos feitos,... pero recordámolo especialmente o 8 de marzo DÍA INTERNACIONAL DA MULLER.

Nós recordando a MARUJA MALLO, unha muller adiantada ao seu tempo, loitadora pola igualdade, rendimoslle un pequeno homenaxe escollendo un dos seus cadros "ELEMENTOS PARA O DEPORTE", utilizando como punto de partida para investigar sobre o papel das mulleres no deporte, mulleres deportistas que conseguiron ou están a destacar no deporte que práctican e aparecen no cadro. Seguiremos investigando sobre a  igualdade tamén no deporte e sobre a importancia deste para a saúde   de todas as persoas (EDUsaúde) pero tamén dos logros das mulleres no deporte profesional.

 

Neste 8 DE MARZO compartimos carteis co CEP Lois Tobio sobre mulleres referentes en diferentes ámbitos da sociedade e que forman parte do noso mural.

Librín en ANALIZANDO CONTOS E CURTAS , deixa un conto diferente no mudou a historia e dúas preguntas para contestar dende a casa.

1º- QUE QUERE SER DE MAIOR A PROTAGONISTA DO CONTO?

2º- QUE CONTO VOS GUSTA MÁIS ESTE OU CINCENTA, E CAL É A RAZÓN?

Para rematar Librín tamén vos deixa un conto que xa coñecemos moito, e como  recomendación lectora unha novidade editorial que ben sendo a continuación do seguinte videoconto.